Ish-shefi i kadiologjisë në QSUT, Edvin Prifti të cilit iu hoq e drejta e ushtrimit të profesionit nga GJKKO, kërkon t’i rikthehet detyrës. Prifti, fillimisht doli në përgjimet e SPAK teksa po hetohej një rast korrupsioni në Gjykatën e Krujës dhe ende vijon të jetë nën hetim nga drejtësia shqiptare. Skandalet dhe aferat korruptive të cilët lidhen me emrin e mjekut Prifti, nuk kanë fund, ndërsa së fundmi përmendimin akuzat për përfshirje në skemën e trafikimit të ilaçeve dhe favorizimit të emigracionit të paligjshëm në Itali. Por pavarësisht problemeve me drejtësinë shqiptare, Prifti ka një apel për GJKKO që të pezullojë vendimin për mosushtrimin e profesionit.
“Për mua si mjek, të më lini jashtë sallës së operacioneve, është njësoj si të më merrni jetën. Nuk kam asnjë mundësi të prish prova, sikurse pretendon prokuroria. Kanë gati dy vite që po me hetojnë dhe kanë pasur kohë të marrin çdo provë. Mjeku nuk mund të prishë prova, duke operuar qytetarët për zemrën”.
Prifti u vu nën akuzë nga SPAK për korrupsion dhe pastrim parash, pasi në banesën e tij dhe në zyrë iu gjetën rreth 350 mijë euro, të cilat sipas Prokurorisë së Posaçme kundër Korrupsionit nuk justifikoheshin.
Discussion about this post