Prokuroria e Posaçme Kundër Krimit dhe Korrupsionit e ka mbyllur përfundimisht hetimet mbi “Masakrën e Peshkëpisë”, e ndodhur më 10 prill 1994, ku u vranë dy ushtarët shqiptarë, Arsen Gjini dhe Fatmir Shehu, nga një sulm terrorist i paramilitarëve grekë.
SPAK ka vendosur të mbyll shqyrtimin e kësaj çështje me justifikimin se nuk kanë prova të mjaftueshme, në këto kushte kjo ngjarje do të mbetet pa autor.
Pas 3 dekada arkivim dhe hetime nga prokuroria e Gjirokastrës, më pas e ajo e Krimeve të rënda, SPAK mbyll përfundimisht dosjen kaq të rëndësishme.
Arsyeja kryesore e mbylljes së dosjes është mosdokumentimi i plotë me prova si dhe parashkrimi për disa nga veprat penale. Për këtë dosje SPAK kërkoi të dhëna edhe nga Greqia, por asnjëherë nuk u provua akuza. Prokuroria rihapi në mars të vitit 2019, pas afro 25 vitesh hetimet në lidhje me ngjarjen e rëndë të 10 prillit 1994, të njohur si “Masakra e Peshkëpisë”.
Sulmi ndaj postës kufitare të Peshkëpisë, në Gjirokastër ka ndodhur në 10 prill 1994. Një komando special e organizatës terroriste greke “Mavi” (Fronti për çlirimin e Vorio-Epirit), kaloi kufirin e gjelbër Greqia dhe hyri në territorin shqiptar, duke ju drejtuar postës ushtarake të kufirit, ku dhe ekzekutoi komandantin e postës Fatmir Shehu, ushtarin Arsen Gjini dhe plagosur ushtarët e tjerë Ardian Velmishi, Janaq Zaka, Frederik Kalemi. Gjatë sulmit komandoja terroriste mori peng dhe një nga ish-nënoficerët e këtij reparti kufitar Qemal Stroka, i cili më pas u la i lirë në kufi. Gjatë rrugës ndaj Strokës është ushtruar dhunë fizike çka solli dhe tronditjen e fortë psiqike. /gijotina.com/
