SPAK ka tre vende vakante, por asnjë prokuror s'ka aplikuar deri tani -

SPAK ka tre vende vakante, por asnjë prokuror s’ka aplikuar deri tani

13 ditë pas hapjes së garës për tre vende vakante në Prokurorinë e Posaçme, (SPAK) deri më tani nuk ka aplikuar asnjë prokuror.

Nuk dihen ende arsyet përse nuk është shprehur asnjë interes për të qenë pjesë e SPAK, ndërsa mendohet se prokurorët mund ta lenë për në fund aplikimin, pasi afati është deri në datën 16 tetor ora 24:00.

Aktualisht SPAK ka në detyrë 17 prokurorë të komanduar dhe një të emëruar. Vazhdimisht SPAK ka ngritur kërkesë për plotësimin e ekipit, ndërsa KLP në një farë mënyre e pranoi fajësinë kur tha arsyet.

“E hapëm me vonesë për shkak të hartës së re gjyqësore”, tha Bujar Sheshi, anëtar i KLP-së.

SPAK u konstitua në vitin 2019. Pritet që prokurorët të shpalosin strategjinë e tyre se si do ta luftojnë korrupsionin dhe krimin e organizuar.

Ndërkohë, kreyeprokurori Dumani një ditë më parë gjatë një takimi informal tha se SPAK-u mund ta tejkalojë modelin rumun, qe hetoi dhjetëra ministra e zyrtarë. Por, për Dumanin e rëndësishme është provueshmëria.

Këshilli i Lartë i Prokurorisë bën thirrje që të kandidojnë të gjithë prokurorët që në momentin e kandidimit të plotësojnë kushtet e mëposhtme:

Kanë ushtruar funksionin si prokuror për jo më pak se 10 vjet;
Nuk kanë masa disiplinore në fuqi;
Japin pëlqimin për kontrollin periodik të llogarive bankare dhe të telekomunikimeve vetjake;