Prokuroria e Posaçme ka kërkuar 4 vite heqje lirie për Joana Duron, ish-numrin dy të Ministrisë së Shëndetësisë, e cila akuzohet për korrupsion pasiv.
Ndërsa për specialisten e nivelit të lartë, Laura Shteto SPAK ka kërkuar 1 vit e 6 muaj burgim. Vladimir Topi, administratori i kompanisë “Dricons” rrezikon 2 vjet burgim, nëse gjykata merr parasysh kërkesën e prokurorit, Dritan Prençi.
Për inxhinierin, Silvi Shehi, organi i posaçëm i akuzës ka kërkuar 1 vit e 6 muaj burgim.
Të tre të pandehurit akuzohen për korrupsion aktiv. Sipas SPAK ata i dhanë Laura Shtetos 330 mijë lekë për të përfituar tenderin e sipervizimit të disa qendrave shëndësore në Tiranë e Durrës.
Discussion about this post