Të tjera detaje janë zbardhur në lidhje me operacioni e SPAK.
Mësohet se është shpallur në kërkim një ish zyrtar i lartë i policisë në Lezhë, një oficer dhe një ish specialist i forcave RENEA.
Bëhet fjalë për Ergert Mitrin, i cili më herët ka pasur pozicion si drejtues i Policisë Lezhë, Klodian Jashari dhe Altin Morinën ish efektiv i RENEA.
Altin Morina është ish efektivi i RENEA që u kap disa muaj më parë në makinë me shuma parash.
Morina, me detyrë Shef i Repartit të Stërvitjes tek Forcat RENEA, ishte prangosur në zonën e Kodrës së Diellit, teksa lëvizte me një Audi luksoz.
Atij ju gjetën në makinë 113 mijë euro, të mbështjella me një qese plastmasi.
Morina e ka nisur karrierën si efektiv Policie, e më pas ka qenë shef i Komisariatit të Ballshit.
Nga aty është katapultuar në 2012 tek Shërbimi për Çështjet e Brendshme dhe Ankesat (SHÇBA), tani Agjencia e Mbikëqyrjes Policore. Më pas qarkulloi në repartin e RENEA-ve, ku edhe mbante detyrën e shefit të trajnimit.
Disa kohë pasi u arrestua efektivi i RENEA-s, Altin Morina u lirua nga Gjykata e Tiranës. Morina u la me detyrim paraqitjeje pasi paraqiti në gjykatë faturën që tregonte se një biznesmen kishte marrë para nga banka për t’ia dhënë borxh.
Ndërkohë, Erigert Mitri aktualisht mban postin e specialistit në Drejtorinë e Përgjithshme të Policisë
Discussion about this post