Prokuroria e Posaçme Anti-korrupsion ka marrë të pandehur anëtaren e Komisionit të Pavarur të Kualifikimit, Etleda Çiften. Burimet bëjnë me dije se ajo akuzohet për falsifikim dokumentesh dhe deklarim të rremë. Sipas rregullave Çiftja pritet të pezullohet nga detyra dhe të nisin hetimet e thelluara ndaj saj.
Ndër të tjera bëhet me dije se, Çiftja dyshohet të ketë falsifikuar një dëshmi për nivelin e gjuhës angleze. Sa i takon akuzës së ngritur për deklarim të rremë, komisionerja dyshohet se ka një tokë arë në Kavajë të cilën nuk e ka deklaruar. Më herët janë marrë si të pandehur nga SPAK edhe anëtarët e Komisionit të Posaçëm të Apelimit, Luan Daci dhe Ardian Hajdari.
Discussion about this post