SPAK njoftoi sot se ka zhvillime surprizuese lidhur me ish-zv.Kryeministrin Arben Ahmetaj.
Referuar raportimeve, që i referohen burimeve nga Prokuroria Speciale, SPAK ka verifikuar mënyrën se si Ahmetaj është larguar nga Shqipëria, por ende nuk ka të të dhëna mbi vendndodhjen e tij
E ndërsa për Ahmetajn janë ngritur akuzat dhe ai ndodhet në listën e personave të shpallur në kërkim ndërkombëtar, SPAK po verifikon edhe dy emra të tjerë të rëndësishëm në rradhët e socialistëve.
Bëhet fjalë për Ilir Beqajn, ish-ministrin e Shëndetësisë, ndaj të cilit sipas raportimeve po kryhet hetimi pasuror. Emri i Beqajt është i lidhur me koncensionin e sterilizimit, ndërsa në burg ndodhen biznesmeni Ilir Rrapaj dhe ish-zv.ministri Klodian Rrjepaj.
Por SPAK po verifikon edhe Damian Gjiknurin, deputet i PS-së, dhe ish-ministër i Energjitikës. Në rastin e Gjiknurit verifikimet nga SPAK po kryhen për inceneratorët, ndërkohë që ende nuk dihet nëse Prokuroria Speciale do të avancojë ose jo në drejtim të tij. Damian Gjiknuri u spostua pak kohë më parë nga kupola drejtuese e PS-së, ndërsa ishte Sekretar i Përgjithshëm, pozicion që iu besua Blendi Klosit. Vetë Gjiknuri e konsideroi lëvizjen e tij si normale, megjithëse në deklarimet e shkurtra publike, nuk ka nguruar të ironizojë për vendimin.
Po kështu nga SPAK mësohet se ka nisur hetimi për AZHBR dhe Ministrinë e Bujqësisë përsa i takon abuzimit me fondet e Bashkimit Europian në kuadër të projektit IPARD3.
Sipas raportimeve, gjithashtu mësohet se SPAK po heton edhe në Ministrinë e Energjitikës dhe Infrastrukturës, atje ku sot me firmën e Belinda Ballukut, zv.Kryeministre është shkarkuar nga detyra e zv.ministrit Ilir Beqaj.
Hetimet që po kryen SPAK kanë lidhje me veprat penale të korrupsionit dhe shpërdorimit të detyrës, ndërsa nuk dihet ende se deri ku mund të arrijnë prokurorët apo hetuesit e BKH-së, përsa i takon nivelit të zyrtarëve të përfshirë në akte anti-ligjore, apo se në ç’fazë mund të jenë verifikimet dhe hetimet.
Discussion about this post