Qeveria italiane do të nënshkruajë një marrëveshje me shoqatat e prodhuesve dhe me supermarketet e vendit me synimin për të ulur çmimet e nevojave bazë, kryesisht në sektorin ushqimor.
Sipas shtypit, çmimet do të bien nga 1 tetori deri në fund të vitit mesatarisht me 10%.
Ulja e çmimeve do të zgjasë për tre muaj, deri në fund të vitit dhe llogaritet se çdo familje në vend do të kursejë gjithsej deri në 150 euro. Me çmim të reduktuar do të shiten mishi, qumështi, sheqeri, vezët, mielli, orizi, por edhe pelenat dhe ilaçet pa recetë.
Konsumatorët do të mund të dallojnë produktet specifike, falë një ngjitësi të veçantë, me ngjyrat e flamurit italian.
Ndërsa Meloni po ndërmerr këtë nismë në mbrojtje të konsumatorëve, e kundërta ndodh në Shqipëri. Kryeministri Rama, duket se nuk është në dijeni të kësaj nisme të Melonit, me të cilën është takuar vetëm një ditë më parë.
Këtu, jo vetëm nuk mund të pritet një nismë e tillë, por përkundrazi njerëzit tashmë urojnë të mos u vijë ndonjë ‘goditje’ e re.
Discussion about this post