Kompanitë Call Center janë vënë nën shenjestrën e SPAK, sëfundmi 13 kompani të tilla me qendër në Tiranë janë nën hetim pasi dyshohet se kanë mashtruar me shuma të mëdha parash një numër të konsiderueshëm qytetarësh nga Bashkimi Europian.
Hetimet SPAK vijnë pas kërkesava nga Gjermania dhe Hollanda, vende ku qytetarët janë ankuar mbi veprimtarinë e këtyre kompanive.Pas verifikimeve të bëra ka rezultuar se verifikuar komunikimet me operatorët e Call Centerave, nga të cilat kanë zbuluar se bëhej fjalë për IP me qendër në Shqipëri.
Hetimet nga SPAK po kryhen në kuadër të goditjes së organizatave kriminale.
Ato që njihen gjerësisht si “call center bursash” telefononin nga zyrat ku punonin, qytetarë të BE-së, të cilëve iu premtonin fitime të mëdha nëse pranonin të investonin në bursa apo kriptomonedha.
Fillimisht viktimave iu merreshin një shumë e vogël parash, por mashtrimi vijonte për disa javë e muaj dhe më pas nën premtimin për fitime të mëdha bindej që të investonte edhe më tepër.
Në fund, telefonuesi zhdukej duke i marrë të gjitha paratë investitorit nga BE, të cilat kalonin në numrin e llogarisë së kompanisë së Call Centerave, nga të cilat operatori shqiptar fitonte përqindje të majme.
