Qeveria spanjolle dhe dy sindikatat kryesore në vend, nënshkruan një marrëveshje për të vendosur që paga minimale të jetë 1 mijë euro në muaj, duke filluar që nga ky vit. Kjo masë prek 2 milion të punësuar spanjollë.
Kundër këtij vendimi u shprehën dy shoqatat kryesore të sipërmarrësve vendas, me arsyetimin se ky nuk është momenti për të rritur pagat minimale, pasi situata ekonomike në vend është e paqëndrueshme, sidomos në sektorin e agrikulturës dhe turizmit.
Duke konfirmuar marrëveshjen, Ministrja Spanjolle e Punës, foli për një rezultat shumë të rëndësishëm për vendin dhe theksoi se objektivi është një shoqëri që nuk bazohet në paga të ulëta. Në Bashkimin Europian, 21 vende kanë një pagë minimale kombëtare. Luksemburgu është i pari vend në Bashkimin europian për sa i përket pagës minimale prej më shumë se 2 mijë eurosh.
Vendi ndiqet nga Irlanda, Holanda, Belgjika, Gjermania dhe Franca. Italia është mes gjashtë vendeve të Bashkimit Europian që nuk kanë një pagë minimale fikse së bashku me Suedinë, Finlandën, Danimarkën, Austrinë dhe Qipron.
Discussion about this post