Spanja shkon në Botëror me barazim, i bashkohen Austria e Belgjika, ndërsa Kosova ndal Zvicrën

Është mbyllur përfundimisht fushata kualifikuese e Botërorit sa i përket skuadrave europiane, ku u shënuan në total 42 gola.

Spanjës, së cilës i mungonte vetëm zyrtarizimi, barazoi 2-2 me Turqinë për t’iu bashkuar ekipeve të mëdha që do të luajnë në Botërorin 2026.

Po ashtu, këtij grupi iu bashkuan edhe Zvicra, Belgjika, Austria dhe Skocia, me këtë të fundit që triumfoi në mënyrë dramatike kundër Danimarkës për të prerë biletën për në Amerikë.

Pas ekipeve të kualifikuara, janë mësuar edhe ato që do të luajnë në play off, aty ku bëjnë pjesë edhe Sqipëria me Kosovën, me shortin që do të hidhet të enjten e 20 nëntorit.

Kosova e ka mbyllur me nder fushatën kualifikuese të Botërorit 2026, duke barazuar 1-1 me Zvicrën në “Fadil Vokrri”, me “Dardanët” që tani do të shohin nga faza play off për të realizuar ëndrrën e madhe.

Ishte Zvicra ajo që dha sinjalin e parë në këtë ndeshje teksa pati një tentativë që u ndal nga portieri Muriç, ndërsa në minutën e 36’, ishte Kosova që krijoi një mundësi me Veldin Hoxhën, por gjuajtja e tij u prit nga portieri Kobel.

Por ajo që ra në sy është se një pjesë e tifozëve të pranishëm në “Fadil Vokrri” fërshëllenin Granit Xhakën sa herë ai kishte topin në zotërim, më pas ishte Muriqi që bëri përpjekjen e tij por pa sukses. Megjithatë pjesa e parë përfundoi me barazimin 0-0.

Pjesa e dytë nisi menjëherë me gol, me helvetët që kaluan në avantazh në minutën e 47’ të takimit me anë të Vargas.

Gjithsesi, barazimi erdhi nga Muslija, i cili me një goditje nga distanca “shtangu” portierin Kobel, duke rikthyer baraspeshën me një supergol.

Kështu Kosova e mbyll në vendin e dytë Grupin B me 11 pikë, duke ndalur dhe ecurinë perfektë të Zvicrës që deri para sfidës së sotme i kishte të gjitha fitore.

REZULTATET:

GRUPI B

Kosovë 1-1 Zvicër

Suedi 1-1 Slloveni

GRUPI C

Bjellorusi 0-0 Greqi

Skoci 4-2 Danimarkë

GRUPI E

Bullgari 2-1 Gjeorgji

Spanjë 2-2 Turqi

GRUPI H

Austri 1-1 Bosnje & Hercegovinë

Rumani 7-1 San Marino

Grupi J

Belgjikë 7-0 Lihtenshtein

Uells 7-1 Maqedoni e Veriut.

gijotina.com/