Mbyllet pjesa e parë e finales së Kampionatit Evropian mes Spanjës dhe Anglisë.
Në “Olympiastadion” të Berlinit ka mbizotëruar frika me dy skuadrat që shkojnë në dhomat e zhveshjes me rezultatin e bardhë 0-0.
“Iberikët” e Luis de la Fuente, Dani Olmo, Fabian Ruiz, Lamine Yamal e Nico Williams, kanë shkaktuar jo pak rrezik në portën e Pickford, mirëpo mbrojtja angleze është treguar mjaft e kujdesshme deri më tani.
Në krahun tjetër, djemtë e Southgate kanë përfituar jo në pak raste nga shpejtësia e rrufeshme e Kyle Walker, për të rrezikuar portën e “iberikëve”, por ashtu si kundërshtarët anglezë edhe prapavija spanjolle është treguar vigjilente për të “fikur” rastet e kundërshtarëve.
Fraksioni i parë mbyllet me një rast për gol për anglezët të cilët mund të surprizonin iberikët. Pas një goditje dënimi, Foden nga e majta tenton portën, por gjen Unai Simon në pozicion në atë që është tentativa e parë e mirëfilltë në portë.
Tashmë nuk ka mbetur gjë tjetër veçse të presim përfundimin e 45 minutave, të dyta, për të parë nëse nevojitet luajtja e minutave shtesë apo do të ketë një fitues, me triumfuesin e kësaj sfide, që do të sigurojë edhe titullin kampion, të Euro 2024.
Statistikat:
Discussion about this post