Fjala e ministres për marrëdhëniet me parlamentin Elisa Spiropali, është pritur me duartrokitje dhe të qeshura nga deputetët e opozitës, në momentin që ajo deklaroi se socialistët nuk kompleksohen dot për raportin që kanë me drejtësinë.
Teksa renditi rastet që sipas saj socialistët nuk janë bërë pengesë për drejtësinë, Spiropali tha se askush nuk mund të hedhë baltë mbi Edi Ramën, i cili nuk e ka përdorur drejtësinë si hanxhar për armiqtë e tij politikë.
“Nëse ka një çështje që nuk na kompleksoni dot është raporti ynë me drejtësinë, nëse doni që tju marr shembuj të pafund të raportit tonë me drejtësinë… qetësohu, qetësohu, mos thuaj gjëra qesharake. Ju jeni mësuar me kryeministra që për drejtësinë kanë folur, kryeministri Edi Rama nuk e përdor si armë drejtësinë, nuk e përdor si hanxhar drejtësinë, por lë institucionet që të bëjnë punën e tyre, duke besuar te ata njerëz që i drejtojnë.
Ne këtë besim kemi te sistemi i drejtësisë, dhe të gjitha garancitë edhe ligjore ne i kemi dhënë. Kemi bërë ndarje nga politika që shpall fajtor pa folur drejtësia. Ne e kemi bërë këtë ndarje Gazi, dhe me gjithë respektin që kam për ty, unë fjalën dot ta marr sa herë që shoh që e drejta cenohet. Nuk ka asnjë gojë, dhe asnjë argument që mund ta bëjë atë pis (Edi Ramën) në raport me drejtësinë.
Në seancën që po zhvillohet sot në Kuvend, kreu i grupit parlamentar të PD-së Gazment Bardhi, kërkoi që punimet të ndërpriteshin deri në momentin që në karrigen e tij të paraqitej kryeministri Edi Rama, për të dhënë llogari për arratisjen e Arben Ahmetajt”, u shpreh ajo.
Discussion about this post