Nënkryetarja e Partisë Demokratike, Jorida Tabaku ka replikuar në Kuvend me ministren Elisa Spiropali, e cila më herë ironizoi situatën brenda PD, duke thënë se opozita po vetëcoptohet. Në një dalje pas saj, Tabaku tha se nuk mund të rrinte pa folur kur dëgjon Spiropalin të jap mend, kur në partinë e saj ka njëmijë probleme më të rënda.
Tabaku tha se brenda në PD ka debat, por partia nuk do besohet dhe nuk rrëzohet kurrë. Sakaq, ajo i tha Spiropalit se socialistët kanë 15 vjet që nuk votojnë kryetarin. “Nuk dua ti diskutoj problemet e brendshme të Partisë Demokratike, por të dëgjosh këtu Elisën që të jep mend, nuk mund të rrija pa folur. Ka një debat në PD, ka mendime ndryshe, por me kokë ulur të gjithë si ju nuk janë . Të gjithë rresht me një kryetar që keni 15 vite që nuk e votoni. Dhe flet këtu për ligje imagjinare”, tha ajo, duke theksuar se PD do vijë në zgjidhjet e radhës shumë herë më e fortë, pa shtirje të tilla sikur ka brenda PS.
Discussion about this post