Shërbimi shëndetësor i Rumanisë është “pushtuar” nga pacientë të pavaksinuar në mes të valës së katërt të COVID-19.
Në Bukuresht, ambulancat qëndrojnë në radhë jashtë Spitalit të Sëmundjeve Infektive të Matei Bals, ku shtretërit po vendosen në korridore.
Janë regjistruar 15,828 raste të reja me COVID-19 në 24 orët e fundit në një vend me një popullsi prej rreth 19 milionë.
Të paktën 365 njerëz kanë humbur jetën në këtë periudhë, ndërsa numri total i viktimave nga pandemia është 41,482.
Shumë rumunë janë mosbesues ndaj kërkesave të autoriteteve për të marrë një vaksinë. Shumë prej tyre janë gjithashtu të ndjeshëm ndaj dezinformatave që qarkullojnë në internet se vaksinat janë joefektive ose të rrezikshme.
Në Evropë, vetëm Bullgaria ka vaksinuar më pak nga popullsia e saj sesa Rumania. Vetëm rreth një e treta e rumunëve janë vaksinuar dhe pasojat janë shumë të qarta, sipas drejtorit të spitalit.
“Rreth 90 përqind e pacientëve të shtruar në spital nuk janë të vaksinuar”, tha Adrian Marinesku.
