Nga Ergys Mërtiri
Pjesë nga një dokument i Këshillit të Ministrave, viti 1977:
“Kohët e fundit kanë ngjarë ndodhi të rënda me pasojë vdekjeprurëse, që janë shkaktuar nga pakujdesi të mjekëve dhe personelit tjetër shëndetësor. Në shtëpinë e lindjes së qytetit të Durrësit vdiq një grua 22-vjeçare në lindje e sipër nga dhënia e gjakut të një grupi tjetër; në Spitalin Civil të Beratit, për shkak të pakujdesisë dhe shërbimit te pakualifikuar, një qytetar vdiq nga gangrena, që solli perforacionin e zorrës së hollë dhe printonit; në Spitalin e Rrëshenit, nga pakujdesia gjatë ndërhyrjes kriurgjikale, mjeku ishte lënë në barkun e një gruaje të operuar në garze të madhe, që shkaktoi vdekjen e pacientes; Në Korçë, një i ri vdiq nga asfiksia mekanike për shkak të ekzaminimit të përciptë dhe formal nga ana e mjekut kurues; në Tiranë, në Spitalin Klinik Nr. 2 një fëmijë 4 vjeçar, që kishte grupin B të gjakut, iu bë transfuzion me gjak të grupit A, që i shkaktoi vdekjen. […]
Të meta janë vërejtur edhe gjatë ekzaminimit të të sëmurëve, nuk vihet diagnoza në afatet e caktuara, nuk organizohen sistematikisht dhe në kohën e duhur konsultat, nuk merret plotësisht anamneza e të sëmurit, ngatërrohen ilaçet e të sëmurëve, kurat jo gjithmonë bëhen në kohën e caktuar dhe ne rregull, analizat laboratorike nuk ndiqen në dinamikën e tyre tek të sëmurët e rëndë dhe për këta të fundit nuk organizohet mbikqyrja e rregullt dhe e vazhdueshme. Ka raste kur, gjatë ndërhyrjeve kirurgjikale, dëmtohen organe të shëndosha, nuk kontrollohen në mënyrë të plotë organet e sëmura dhe të dëmtuara nga faktorë të jashtëm dhe për të gjitha këto nuk mbahen qëndrime të prera sipas ligjeve dhe udhëzimeve në fuqi”
Për ata që duan më shumë të shohin në
AQSH, F. 490, V 1977, D. 477
Discussion about this post