Legjenda e futbollit korçar, Teodor Vaso ka ndërruar jetë në moshën 82-vjeçare.
Teodor Vaso është një nga emrat më të njohur të futbollit shqiptar. Gjatë karrierës së tij futbollistike ka shënuar 26 gola duke qenë në rolin e qendërmbrojtësit, dhe ka qenë përfaqësues në 36 ndeshje ndërkombëtare, 18 ndeshje me kombëtaren shqiptare, 15 ndeshje me skuadrën Partizani dhe tre me skuadrën korçare.
Që në moshën 16-vjeçare Todo u bë pjesë e stërvitjes me të rriturit e ekipit të Dinamos, e prej atëherë, u bë i pandashëm në futbollin shqiptar duke dhuruar emocione nga më të veçantat për sportdashësit.
Kaloi te Partizani, për të vijuar me 17 Nëntorin (KF Tirana) e në fund me Skënderbeun. Ishte titullar i padiskutueshëm i kombëtares shqiptare që kishte në krye trajnerin, të madhin Loro Boriçi. Me kuqezinjtë ka zhvilluar 8 ndeshje ndërkombëtare dhe 10 takime miqësore.
Teodor Vaso, heroi i përfaqësueses shqiptare që do të mbahet mend gjatë për ndeshjen e vitit 1967, ku luajti për 30 minuta me këmbë të vrarë dhe të enjtur kundër Republikës Federale Gjermane.
Lojtari do të kthehej në një figurë të njohur në futbollin shqiptar, pasi para prapavijës ishte i pakalueshëm. E nisi karrierën si atlet në vitin 1955 ndërsa më vonë u fut në futbolli me ekipin e Dinamos. Kaloi te Partizani, për të vijuar me 17 Nëntorin e në fund me Skënderbeun.
Ishte titullar i padiskutueshëm i kombëtares shqiptare që kishte në krye trajnerin, të madhin Loro Boriçi. Me kuqezinjtë ka zhvilluar 8 ndeshje ndërkombëtare dhe 10 takime miqësore.
Pikërisht këto takime ndërkombëtare e bënë atë të njohur duke i nxjerrë në pah cilësitë që kishte. Në sfidën kundër Republikës Federale Gjermane, Teodori u shpall heroi i ndeshjes sepse luajti me këmbë të vrarë, por gjithashtu gjermanët u eliminuan duke mos shkuar në finalet e Botërorit.
Discussion about this post