Ish-sekretari amerikan i shtetit, Mike Pompeo disa ditë më parë realizoi një vizitë në Shqipëri në kuadër të aktiviteteve për 100-vjetorin e marrëdhënieve mes dy vendeve, si dhe në kuadër të nënshkrimit të një memorandumi mirëkuptimi mes shoqërive Albgaz dhe Overgas, transmeton Anadolu Agency (AA).
Pompeo shfrytëzoi rastin të takonte një pjesë të mirë të politikanëve në vend. Ajo që u vu re ishte, se zyrtari i lartë nuk u takua me ish-kryeministrin Sali Berisha.
Një nga njerëzit më të njohur të Trampit, refuzoi të takojë Berishën duke lënë të nënkuptohet se të gjithë amerikanët janë në një mendim që Berisha është non grata dhe duke hedhur kështu poshtë pretendimet e grupit të Rithemelimit se kur republikanët të vijnë në pushtet non grata do të hiqet .
Kështu mbështetësit e grupit të Rithemelimit, mes të cilave ajo më besnikja Aktivistja shqiptare-amerikane, Evi Kokalari, ka ironizuar republikanin e nivelit të lartë duke e cilësuar vizitën e tij për opozitën iraniane si qëllimin e vetëm.
Pompeo mori pjesë, gjithashtu, në nënshkrimin e një marrëveshje për gazifikimin mes Shqipërisë dhe një kompanie private.
Më pas, Pompeo ka udhëtuar drejt Manzës, në periferi të Durrësit, ku ka vizituar Ashraf 3 si dhe është takuar me lideren e opozitës iraniane, Maryam Rajavi.
Pompeo vizitoi selinë e Organizatës Muxhahedine të Popullit të Iranit (MEK) në Shqipëri dhe u takua me Maryam Rajavi, Presidenten e zgjedhur të Këshillit Kombëtar të Rezistencës së Iranit, siç duket edhe në këto pamje.
Discussion about this post