Trajneri i mirënjohur Sulejman Starova ka analizuar skuadrën e Dinamos në këtë start kampionati. Ai ka theksuar se objektivi i shpallur i kryeqytetasve që ësht titulli kampion është i pamundur për tu arritur. Sipas Starovës, kualifikimi në kupat e Europës është objektivi më real.
“Unë kam thënë që nëse Dinamo do titullin, duhet të gjykojmë ndryshe. Dinamo është për Kupat e Europës. Në këto kushte, kur shikon dy ekipe që luajnë me formacionin e plotë, do të thotë se e kanë vlerësuar ndeshjen. Kur shikon lojën, Dinamo ishte e mobilizuar për të fituar. Lexohet edhe shpirti i garës. Nuk mjafton që kur e sheh që po luan mirë rivali, të zgjohesh. Unë them se Tirana ka marrë një goditje serioze për kampionatin. Unë them që Tirana ka marrë një bonus negativ”, tha Sulejman Starova.
Discussion about this post