Statuti i PD/ “Do lirosh zyrën apo do përforcosh bravat?”, ja si përgjigjet Alibeaj

Kryetari i komanduar i PD, Enkelejd Alibeaj ka premtuar se vendimin e Gjykatës së Tiranës për drejtimin e PD do të ankohet në Apel.

Në një konferencë të shkurtër për gazetarët, Alibeaj tha se vendimi nuk ishte i drejtë, pasi sipas tij gjyqtari nuk ka pasur dosje dhe nuk ka kërkuar që pjesa tjetër e PD-së të ishte në gjyq si palë gjatë seancës.

Me miratimin e statutit të Berishës, Komisioni i Rithemelimit ka marrë në dorë Partinë Demokratike  dhe Enkelejd Alibeaj, aktualisht kryetar i komanduar në PD  shkarkohet nga detyra.

Pyetjes së gazetarëve, çfarë do të bëjë Alibeaj? Do të lirojë zyrën apo përforcojë bravat?

Alibeaj nuk iu përgjigj por tha se do të ankimohej vendimi i gjykatës.

“Do bëjmë ankimin është e drejta jonë. Gjykata do japë vendimin final,” tha Alibeaj.