Një libër i ri nga asistenti ekzekutiv i Steve Jobs, Naz Beheshti, zbulon disa fakte interesante rreth ish-CEO. Një ndër to ishte dhe fakti se ai nuk e fikte pothuajse kurrë iPhone-in e tij.
Sigurisht që shumica prej nesh mund të thotë të njejtën gjë, pasi ne jemi mësuar që të jemi gjithmonë në dispozicion për gjithçka. Mirëpo ky tundim mund të jetë shumë lodhës në jetën e përditshme dhe ne ndiejmë nevojën të shkëputemi për njëfarë kohe për të bërë diçka që me të vërtetë e shijojmë.
Në librin e Beheshti-t përmenden disa nga rastet e vetme kur Steve Jobs mund të fikte telefonin e tij. “Çelësi i suksesit të tij si një inovator ishte koha që ai shpenzonte për t’u argëtuar. Sa herë që ne po kërkonim Steve, ose sa herë që ai nuk përgjigjej në telefon, ekzistonte një vend ku ai me shumë mundësi gjendej: zyra e Jony Ive, ish-drejtuesi i departamentit të dizajnit.” thotë Naz. Kur ai gjendej në zyrën e Ive për të parë mockups ose prototipet për të cilët po punohej, ai e fikte iPhone-in e tij, pasi nuk dëshironte të ndërpritej gjatë asaj kohe mjaft të lumtur për të.
Discussion about this post