Lazio ka marrë tre pikët e radhës në kampionatin italian në ndeshjen që ka lujatur sonte ndaj Genoa-s.
Thomas Strakosha dhe Elseid Hysaj e nisën ndeshjen si titullarë, ndërsa mbrojtësi u zëvendësua në minutën e 63-të.
Goli i parë për Lazion u shënua nga Pedro në minutën e 36-të. Në minutën e 75-të Acerbi dyfishoi rezultatin, ndërsa 6 minuta më vonë ishte Zaçagni ai që i dha sigurinë lacialëve me golin e tretë.
Genoa ia doli të shënonte vetëm 5 minuta më vonë me Melegonin, por Lazio ruajti epërsinë dhe e mbylli ndeshjen me avantazhin e bindshëm.
Me këtë fitore, të besuarit e Sarrit janë në vendin e tetë të Serie A me 28 pikë, ndërsa Genoa është e parafunit me 10 pikë.
Discussion about this post