Pak orë para protestës së thirrur sot nga ish-kryeministri Sali Berisha, kreu demokrat Lulzim Basha ka shpalosur strategjinë e tij për të penguar mbarëvajtjen e protestës. Siç shihet nga foto, para selisë blu janë parkuar makinat e anëtarëve të PD, të cilat po zënë një pjesë të madhe të hapësirës.
Basha ka mbërritur i pari në selinë e PD duke u drejtuar në zyrën e tij ku ka planifikuar një ditë normale pune me mbledhje dhe takime. Deri më tani në seli kanë mbërritur Enkelejd Alibeaj, Grida Duma, Ervin Salianji, Agron Gjekmarkaj, Saimir Korreshi, Zef Hila dhe Ramadan Lika.
Ndërkohë në orën 12:00 ish-kryeministri Sali Berisha bashkë me mbështetësit e tij do të nisen drejt selisë për të mbajtur protestën kombëtare.
Discussion about this post