Kryeministri Edi Rama ka mbledhur kryetarët e bashkive për të folur për performancën financiare të qeverisjes vendore. Në të gjithë diskutimin e tij ai ka renditur një sërë pikash që sipas tij tregojnë neglizhencë nga ana e kryebashkikavë dhe kanë sjellë boshllëqe në procesin e rindërtimit. Sakaq, ai tha se për këtë çështje ka pasur një debat edhe me kryetarin e Bashkisë Tiranë Erion Veliajn, pasi ka kërkuar që të shfrytëzohen si duhet mundësitë që janë për rindërtimin dhe strehimin, e jo për çdo që të përplasen në derën e qeverisë. Sakaq, ai tha se duhet parë me kujdes bashkëpunimi mes bashkive dhe kompanive private të ndërtimit për shfrytëzimin e fondeve. Pasi shpesh ose ka abuzime.
“Është e pamundur që ne ende sot në nivel bashkiak që nga Tirana që është kryesorja deri tek bashkia më e fundit nuk kemi asnjë aktivitet ekonomik të pavarur që prodhon të ardhura duke nisur nga rindërtimi. Bashkitë i kamë mundësitë që të ndërtojnë dhe krijojnë shanse për familjet që kanë nevojë për strehim e të fitojnë para.
Më thoni një kompani bashkiake që fiton para për buxhetin e tyre në funksion të strehimit. Nuk ka. Kemi pasur një debat të gjerë dhe të thellë me drejtuesit e bashkisë së Tiranës me këtë. Nuk mundet që qeveria të përgjigjet për çdo kërkesë dhe çdo nevojë e pamundur. Nga ana tjetër nuk ka pse oportunitetet që janë aty për t’u shfrytëzuar të mos i shfrytëzojë por t’ia delegojë privatit”, u shpreh ai, duke iu theksuar atyre se duhet që të rrisin të ardhurat sa më parë.
Discussion about this post