Edhe pse ndërkohë arsimi në trojet shqiptare ndoshta nuk është trajtuar me prioritet në masën e nevojshme, përsëri studentët tanë kanë shkëlqyer dhe dominuar në fusha të ndryshme të dijes, në rang ndërkombëtar.
Së fundmi, studentët e Kosovës kanë ngritur në majë flamurin shqiptar në një garë me gati 400 universitete, më prestigjiozet të botës, duke lënë pas universitete si Harvardi, Yale, Stanford, Columbia, Oxford, Cambridge, Princeton, Duke, LSE, etj.
Ishin studentët e Fakultetit Juridik të Universitetit të Prishtinës, të cilët përfaqësuan Universitetin e Prishtinës në garën “Willem C. Vis International Commercial Arbitration Moot” dhe arritën të dilnin në 3-shen më të mirë në botë.
Lajmin e bën me dije vetë universiteti, që saktëson se kjo është gara më e madhe botërore në fushën e të drejtës ndërkombëtare komerciale dhe arbitrazhit dhe kjo arritje e ngre lart punën e studentëve të Universitetit të Prishtinës.
Discussion about this post