Aspirina është një ndër medikamentet më të përdorur nga personat mbi 40 vjeç që e marrin atë çdo ditë për të parandaluar mpiksjen e gjakut që mund të sjellë atak në zemër ose goditje në tru, megjithatë një studim në Shtetet e Bashkuara të Amerikës ka zbuluar disa pasoja të rrezikshme mbi përdorimin e këtij medikamenti.
Aspirina mund të shkaktojë gjakderdhje në tru, ulje të nivelit të oksigjenit në gjak si dhe anemi sipas Annals Internal Medicine që kreu studimin tek më shumë se 18 mijë persona mbi 65 vjeç në SHBA dhe Australi.
Ky studim, i cili ka zgjatur 5 vite ka zbuluar se personat që merrnin aspirinë kishin 20% më shumë gjasa që të ishin anemikë sesa ata që nuk e merrnin atë.
Pavarësisht rezultateve të këtij studimi theksohet se përdorimi I Aspirinës mbetet I rëndësishëm në target-grupet që paraqesin rrezik për të pasur një atak në zemër ose një goditje në tru dhe marrja e këtij medikamenti mund të shërbej si një parandalues.
Studiuesit kërkojnë që mjekët të kryejnë monitorime më të shpeshta të niveleve të hemoglobinës në gjak tek pacientët e tyre për të zbuluar nëse përdorimi I Aspirinës është një rrezik për shëndetin e tyre./Fjala
Discussion about this post