Eksperti dhe njohësi i trashëgimisë kulturore, Auron Tare ka treguar se Ali Pashë Tepelena ka qenë një personazh shumë i përfshirë në fushën e kulturës shqiptare.
I ftuar në emisionin ‘Abc e mëngjesit’, studiuesi ka treguar se Ali Pashë Tepelena ka qenë personi i parë që ka ndërmarrë gërmimet e para arkeologjike në Shqipëri, në Prevezë të Çamërisë, së bashku me arkeologun danez, Bronsted. Tare tregon se ka gjetur disa dokumenta të cilat tregojnë se Ali Pasha i fal ushtarakut anglez, William Martin Leake një kokë të marrë në Brutint, e cila sot ndodhet në British Museum.
“Kur do të gjesh gjëra për Shqipërinë, gjithmonë gjerat i gjen jashtëfatkeqësisht, sepse këtu nuk ka shumë. Në Amerikë, Londër, Austri, Francë, gjen goxha. Kam bërë goxha kërkime në Londër sepse atje ka shumë. Në Shqipëri Ali Pashë Tepelenës nuk i është dhënë rëndësia e duhur. Personazhi i tij në fushën e kulturës, është totalisht i panjohur. Aliu ka qenë mjaft interesuar në këtë fushë. Ai ka ndërmarë gërmimet e para arkeologjike në Shqipëri, në Prevezë të Çamërisë, së bashku me arkeologun danez, Bronsted. Bronsted ka treguar se pasi gjetën dy monedha, Aliu i kishte thënë ti ndanin së bashku. Unë kam gjetur disa dokumente të tjera ku ai i fal Ëilliam Martin Leake një kokë të marrë në Brutint, e cila sot është në British Museum“, u shpreh Auron Tare.
