VfB Stuttgart është vetëm një hap larg qëndrimit në Bundesligë. E renditur në vendin e 16-të në përfundim të sezonit të rregullt, skuadra e drejtuar nga Sebastian Hoeness fitoi thellë 3-0 ndeshjen e parë finale të play-out-it ndaj Hamburgut, me skuadrën nga veriu i Gjermanisë që duhet të bëjë një përmbysje të pazakontë në ndeshjen e kthimit, që të rikthehet në elitën e futbollit gjerman.
Një ndeshje e dominuar nga Stuttgarti, që shënoi pa u mbushur minuta e parë e lojës me Mavropanos.
Në të 26-tën, Guirassy pati shansin për të dyfishuar shifrat, por gaboi nga pika e bardhë e penalltisë.
Gjithsesi, në pjesën e dytë vendësit e gjetën edhe dy herë të tjera rrjetën me Vagnoman dhe sërish Guirassy-n, për ta menaxhuar me qetësi lojën në minutat e fundit.
Duhet theksuar se për Hamburgun u bë edhe më vështirë pas minutës së 69-të për shkak të ndëshkimit të Suhonen me karton të kuq.
Një avantazh shumë i ndjeshëm për Stuttgartin, që thjesht do t’i duhet të menaxhojë epërsinë e tre golave në takimin e dytë./SSA
Discussion about this post