Këngëtarja plot stil e sharm në të njëjtën kohë, Dafina Zeqiri përgjatë karrierrës muzikore është duke shënuar suksese të panumërta. Zeqiri vlerësohet si ndër emrat më të fuqishëm të kësaj fushe dhe jo pa arsye. Albumi i saj më i fundit “Dafinë moj” ka fiksuar jo vetëm shqiptarët por edhe ndërkombëtarët dhe kjo është për tu duartrokitur. Diva e muzikës është mjaft e pëlqyer dhe në Suedi, vendi ku ka kaluar një pjesë të mirë të jetës së saj.
Dhe duket se kontributi i saj po vlerësohet dhe në Suedi. Këngëtarja është nominuar nga qeveria suedeze për Çmimin e Eksportit të Muzikës. Lajmin e ka bërë me dije ministrja e Tregtisë së Jashtme dhe e Çështjeve Nordike, Anna Hallberg nëpërmjet një postimi në Instagram.
“Muzikantët suedezë kontribuojnë në drejtimin e vëmendjes në Suedi dhe unë jam shumë e lumtur dhe krenare që jam në gjendje të prezantoj sot kandidatët për çmimin qeveritar të eksportit muzikor 2020.
Të nominuarit janë@dafina.zeqiri, @garmarna_official, @ludëiggoransson, Nea dhe Oscar Holter. Të gjithë përfaqësuesit shumë të mirë të muzikës suedeze çuditen dhe në këtë mënyrë kanë kontribuar në eksportet suedeze dhe për ta vënë Suedinë në hartën globale të muzikës. Fituesi do të shpallet brenda një jave!“, shkroi ajo.
Ky çmim jepet nga qeveria suedeze që prej viti 1997. I atribuohet një artisti i cili përgjatë vitit ka qenë ndërkombëtarisht i suksesshëm dhe ka kontribuar në një imazh pozitiv të Suedisë. / A.L gijotina.com /
