Dashnor Sula, deputet i PD-së, duke komentuar mbledhjen e sotme të Këshillit Kombëtar, tha se anëtarët e zgjedhur u zëvendësuan nga punonjës të call-center.
Në këtë mënyrë, Sula ka ironizuar situatën në PD-në e vulës, duke u shprehur se gjithë kjo që po ndodh nuk ka lidhje me shpëtimin e Partisë Demokratike, por me interesat personale, të një grushti njerëzish.
“Shumica e deputetëve kërkojnë zbatimin e statutit. Është e turpshme që 4-5 deputetë bëjnë lojra për interesat e tyre. Nuk kemi asnjë interes personal ne që kërkojmë zbatimin e statutit, ndërkohë që 10 persona duan të mbajnë peng PD”, tha Sula.
Për News24, Sula tha se nuk kemi anëtarë të degëve, nuk ka seksione dhe grupseksione, ndërsa grupimi që do zgjedhje, thotë hajde të zgjedhim kryetarin, pastaj gjejmë anëtarët.
“Nuk bëhemi pjesë e farsës, nuk i lëpihemi asnjë kryetari, nuk merremi me agjendat personale të individëve të caktuar që duan të mbijetojnë në politikë me forma të tilla”, tha Sula.
Discussion about this post