Deputeti demokrat, Dashnor Sula ka publikuar një video të deputetes së PS, Pranvera Resulaj e cila tha në Kuvend se një familje në Gjermani sot nuk mund të blejë më shumë se një kg vaj në javë, për shkak të krizës financiare.
Sipas tij, deputetja e mazhorancës foli me kompetencë të plotë për vendimin e qeverisë gjermane, ndërkohë që nxori mesazhin e një qytetari që jeton në Gjermani dhe që përgënjeshtroi deklaratën e saj.
“Gënjeshtër e paskrupull. Këta harrojnë se jetojmë në botën e teknologjisë dhe ndonëse më parë thuhej se gënjeshtra zgjat tre ditë, tani nuk zgjat as 5 minuta. Të shashtisur nga deklarata e deputetes së PS, një shqiptar që jeton në gjermani më shkroi: “Nuk është e vërtetë që një familje në Gjermani mund të blej vetëm 1 litër vaji në javë. Sipas një rregullore që është vendosur për supermarketet një person nuk mund të blejë më shumë se 3 litra vaji, 3 kg miell. Por nuk ka asnjë ndalesë që i njëjti person të kthehet pas dy orësh apo një ore në të njëjtin supermarket për të blerë të njëjtën sasi. Po ashtu nuk ka asnjë kufizim që personat e tjerë të familjes të blejnë të njëjtën sasi në të njëjtën ditë. Po ashtu një person mund të shkojë në supermarkete të ndryshme dhe mund të kryej blerje”, më tha një shqiptar që jeton në Gjermani, vendin që mori shembull deputetja”, shkruan Sula.
Ndër të tjera, ai shkruan se deputetja gjithashtu gënjeu kur tha se një gallon naftë në SHBA dje kushtonte 6 dollarë, pasi sipas tij, 1 gallon karburant dje në SHBA kushton 3. 67 dollarë.
Discussion about this post