Deputeti i PD-së Dashnor Sula në një deklaratë për media pas mbledhjes në Gjykatën Kushtetuese për të diskutuar mbi shfuqizimin e Bordit të Transparencës për çmimet e shportës deklaroi se çmimet e shportës janë rritur me 76.7%.
Deputeti Sula, i cili është edhe një nga nismëtaret e padisë së ngritur në këtë gjykatë për antikushtetutshmërinë e këtyre bordeve, shpreson se drejtësia do triumfojë. “Ne si PD i parashtruam për gati 2 orë, të gjithë kërkesat nga ana e grupit parlamentar. Për gati dy orë u shteruan të gjithë argumentet që është një bord i cili nuk ka sjellë asgjë të mirë sa i përket qytetarëve shqiptarë në aspektin e monitorimit. Produktet sidomos të shportës janë rritur krahasuar me një vit më parë.
Kemi parasysh që politikat që kanë ndjekur qeveritë e vendeve të Evropës Janë efikase dhe konsumatorët janë mbrojtur, kurse në Shqipëri ndodh komplet e kundërta. Jemi i vetmi vend në rajon që s’kemi marrë masa efikase. Qeveria nuk ka interes së uljes së çmimeve por për mbushjen e arkës së shtetit nga xhepi i qytetarëve, në një kohë krize. Kjo qeveri s’ka sjellë asnjë dobi. Pashë një përgjegjshmëri të lartë nga Kushtetuesja. Kemi bindjen që do triumfojë drejtësia, ky s’është interes politik por i qytetarëve shqiptarë.”- tha Sula.
Discussion about this post