Sula: Të publikohet lista e deputetëve dhe ministrave që kanë përdorur SKY ECC dhe Encochat

Deputeti i PD-së, Dashnor Sula, gjatë fjalës së tij në Kuvend, ka kërkuar nga mazhoranca që të merret në konsideratë pr/vendimi i depozituar nga Gazment Bardhi që deputetet të deklarojnë nëse kanë përdorur apo jo aplikacionet Sky Ecc dhe Encrochat.

Sula u shpreh se lista me deputetet që kanë përdorur këto aplikacione duhet t’i dërgohet SPAK-ut.

Pse keni frikë që ju ta bëni këtë projekt-vendim të jetë funksional? Pse keni frikë nga kolegët tuaj, që e kanë përdorur? Ne jemi persona publikë dhe sigurisht numri i telefonit duhet të jetë publik. Numri im është… Ta dëgjojnë të gjithë shqiptarët! 0692088022, që nga viti 2001.

Pse ju duhet juve të mazhorancës një telefon i tillë, për ta përdorur për korrupsion? Keni këtu brenda në Parlament, ministra, deputetë, kryetarë bashkie i kanë përdorur këto telefona për të vjedhur vota. Nga i pari e të gjithë me radhë të deklarojnë kush ka përdorur telefonat Sky e EncroChat. Dhe kjo listë t’i kalojë SPAK-ut. Nuk jemi ne imunë, duhet të jemi të parët që përballemi me ligjin”, tha Sula.