Një mësues ka vdekur dhe të paktën dy persona të tjerë janë plagosur rëndë nga një sulm me thikë në një shkollë në veri të Francës mëngjesin e së premtes.
Sulmi ndodhi të premten në mëngjes në një lice, shkollë të mesme, në Arras të Francës verilindore.
Ministri i Brendshëm Gerald Darmanin shkroi në Twitter se sulmuesi është arrestuar.
Nxënësit në Lycée Gambetta-Carnot d’Arras janë mbyllur në klasë ndërsa operacioni i policisë është në vazhdim. Shkolla të tjera në qytet, i cili është afër kufirit belg, janë mbyllur.
Një nxënës i tha gazetës vendore La Voix du Nord: “Ne po dilnim nga klasa për të shkuar në mensë kur pamë djalin me dy thika duke sulmuar mësuesin, i cili u mbulua me gjak. Ai u përpoq ta qetësonte dhe të na mbronte. Ai tha të largoheshim, por nuk e kuptuam vërtet, kështu që vrapuam dhe të tjerët u kthyen lart”.
Discussion about this post