Ish-kryeministri Sali Berisha ka akuzuar qeverinë se ka zhdukur të gjitha të dhënat nga sistemit TIMS, duke u kamufluar pas sulmit kibernetik nga Irani.
Gjatë një takimi me qytetarët e Gjirokastrës, Berisha deklaroi se qeveria i zhduku të dhënat sepse dilnin të lidhur me krimin dhe me bandat në vend.
Berisha: Këtyre u ka hyrë frika nga fjala. Kur këtyre u ka hyrë frika nga fjala, janë të pashpresë, do munden, do humbasin. Duhet të punojmë shumë dhe duhet të bëjmë gjithçka për të tërhequr me vete çdo qytetar shqiptar që beson se vendi i tij po shkon në drejtim të gabuar. Çdo qytetar që pa se ky shtet është i shkërrmoqur, shtet kashte. Infrastruktura digjitale e tij u rrënua. Irani padyshim bëri ndërhyrje dhe agresion, por po kaq ndërhyrje bëri qeveria. Për interesa të krimit fshiu sistemin TIMS. Gënjejnë dhe vetëm gënjejnë kur thonë se i kemi të dhënat.
Të dhënat janë zhdukur. Kanë të dhëna vetëm çfarë ka mbetur në USB ose në ndonjë dosje hard copy. I zhdukën vetë sepse dilnin të lidhur kokë e këmbë me krimin. I zhdukën se janë peng i krimit, i bandave. I zhdukën sepse kanë me qindra udhëtime me bandat, me vrasës. E dinë që drejtësia vonon por nuk harron. Ne kemi çdo zgjidhje, kemi paketën antikrizë që do japim përgjigjen më të mirë. Do vendosim minimumin jetik ndër aktet e para.
Discussion about this post