Presidentja e Kosovës, Vjosa Osmani i ka bërë apel ndërkombëtarëve veçanërisht BE dhe NATO të ndalin Vuçiçin dhe mos injorojnë sulmet e fundit të armatosura në Veri.
“Sulmet e fundit ndaj institucioneve publike në veri të vendit nga strukturat kriminale dhe ilegale të mbështetura nga Serbia janë dëshmia kryesore për atë që po e themi që moti: Serbia dhe regjimi hegjemonist i Vuçiçit janë burimi kryesor i destabilizimit në rajon, i cili po synon zhbërjen e arritjeve të aleatëve tanë amerikanë dhe evropian në Kosovë e rajon.”- thotë Vjosa Osmani.
Osmani thotë se sulmet kanë ardhur nga struktura kriminale dhe ilegale të mbështetura nga Serbia që po destabilizon rajonin.
Ajo fton qytetarët e Kosovës të jenë të bashkuar dhe të refuzojnë skenarët e Serbisë.
Serbia vijon të tensionojë situatën në veri të Kosovës duke kërcënuar në mënyrë të drejtpërdrejtë me luftë. Presidenti serb ka dërguar gjatë 48 orëve të fundit avionë dhe helikopterë për të patrulluar pranë pikës kalimit kufitar të Jarinjës në veri të Kosovës si një formë kërcënimi ndaj kësaj të fundit.
