Dy reperët e njohur italianë Baby Gang (Zaccaria Mouhib) dhe Simba La Rue (Mohamed Lamine Saida), u burgosën të mërkurën nga një gjykatë në Milano për një sulm me armë zjarri që ndodhi në korrik 2022, në të cilin mbetën të plagosur dy shtetas senegalezë.
Simba u dënua me gjashtë vjet e katër muaj burg, ndërsa Baby Gang me 5 vjet e dy muaj.
Gjithashtu u dënuan edhe gjashtë anëtarë të ‘ekipit’ të reperëve, me burgim deri në pesë vjet e tetë muaj.
Baby Gang, 22 vjeç, tashmë ishte dënuar me katër vjet e 10 muaj për një grabitje, ndërsa shoku i tij Simba, 21 vjeç, kishte marrë katër vjet në një gjyq të veçantë në lidhje me një ‘luftë’ midis bandave të reperëve.
Të dy reperët kanë miliona ndjekës në rrjetet sociale.
Discussion about this post