Pas ngjarjes së rëndë ku persona të maskuar sulmuan me armë një autobus me nxënës, ka reaguar edhe Presidentja e Kosovës, Vjosa Osmani.
Sipas Osmanit, kjo është një goditje e rëndë për sigurinë, ndërsa i bëri thirrje organeve që sa më parë të kapin autorin dhe ta sjellin para drejtësisë.
“Tronditës lajmi për aktin kriminal në Gllogjan, në të cilin sipas të dhënave aktuale kanë humbur jetën 3 persona dhe ka mbetur një i plagosur. Ju shpreh ngushëllime të sinqerta familjeve të të vrarëve dhe uroj shërim të shpejtë për të lënduarin. Ftoj organet e rendit që sa më parë t`i zbulojnë autorët e krimit dhe t`i sjellin para drejtësisë. Sulmi ndaj autobusit me nxënës është goditje ndaj rendit e sigurisë sonë. Siguria e qytetarëve është prioritet, ndaj nuk do të zmbrapsemi në përmbushjen e këtij misioni” – thotë Osmani.
Kujtojmë se nga të shtënat me armë kanë humbur jetën 4 persona, shoferi i autobusit, i cili ka vdekur në vend, faturinoja dhe dy nxënës. Ndërkohë kanë mbetur të plagosur dy nxënës të tjerë.
Discussion about this post