Rëndohet bilanci i sulmit me armë ndaj një grupi shqiptarësh, krim që ndodhi në zonën e Aldo Moros në Frosinone të Italisë. Një tjetër nga të plagosurit ka humbur jetën, duke e çuar numrin e viktimave në dy, raportojnë mediat italiane, ndërsa dy të plagosur të tjerë ndodhen në spital
Gjatë sulmit një prej të rinjve shqiptarë mbeti i vdekur në vendngjarje, ndërsa tre të tjerë u plagosën dhe njëri ndërroi jetë më pas në spital.
Sipas mediave në Itali, grupi i të rinjve nga Shqipëria është përballur me një grup tjetër marokenësh të cilët mbërritën me makinë pranë lokalit dhe pas një debati me tone të larta hapën zjarr.
Sipas mediave italiane dëshmitarët okularë thanë se dëgjuan të shtënat papritur dhe menjëherë panë trupat e të rinjve në tokë.
“Jam i shokuar, nuk mund të them asgjë. Për mua kjo që ndodhi është e pashpjegueshme“- tha kryebashkiaku i Frosinones.
Lexo edhe:
Një i vdekur dhe 3 të plagosur në Itali, zbardhen detajet nga krimi…
Discussion about this post