Të paktën 19 persona, përfshirë 9 fëmijë mbetën në vrarë gjatë një sulmi raketor të Rusisë në Krivi Rih, qyteti i lindjes së presidentit ukrainas VolodimirZelenski. Bëhet fjalë për bombardimet më vdekjeprurëse ajrore të këtij viti, në konfliktin që nuk jep asnjë sinjal zbutjeje, pavarësisht shtysës për paqe të administratës Trump.
Mes 68 të plagosurve raportohet të jetë edhe një foshnje 3muajshe, ndërsa dhjetëra pallate, 6 institute edukimi bashkë me dyqane e biznese mbetën të dëmtuara. Kreu I mbrojtjes së Krivi Rih, Oleksandër Vilkul e po ashtu banorë të zonës, thanë se një raketë balistike kishte shpërthyer në ajër dhe se fëmijë ishin vrarë në një park lojërash ose pranë tij.
“Pamë trupa të fëmijëve të vrarë të shtrirë këtu, prindër që qanin. Është e tmerrshme. U formuar një krater me tymin që ngrihej lart. Dëgjuam një shpërthim të madh teksa ishim shtirë për të fjetur. Një park lojërash për fëmijë u godit”.
Ministria e mbrojtjes në Rusi tha më vonë se një sulm me raketë të precizionit të lartë kishte shënjestruar një mbledhje të komandantëve të njësive dhe instruktorëve perëndimor në një restorant dhe se deri në 85 persona ishin vrarë. Por nuk ofroi prova për të mbështetur pretendimet. Ushtria ukrainase u përgjigj duke thënë se Rusia po përhapte informacion të rreme në përpjekjen për të mbuluar një krim cinik. Sipas saj, Moska kishte lëshuar një raketë balistike Iskander-M me testatë thërrmuese për të shtuar viktimat.
Presidenti Volodimir Zelenski tha në rrjetet sociale se ka vetëm një arsye përse e gjitha kjo vazhdon: Rusia nuk do armëpushim dhe ne e shohim, ishin fjalët e tij.
Autoritetet në Krivi Rih thanë se pas sulmit raketor, një sulm masiv me dronë kishte mësyrë qytetin, duke shkaktuar zjarre në të paktën 4 lokacione. Siç thuhet, një grua e moshuar u dogj për vdekje në shtëpinë e saj private.
Discussion about this post