Pas Ministrisë së Jashtme shqiptare, ka reaguar edhe Kryeministri Edi Rama lidhur me sulmin kamikaz në Ankara, ku u plagosën dy oficerë policie dhe u vranë dy terroristët.
Ndërsa shprehet se Shqipëria e dënon sulmin, Rama shkruan në rrjetin social se sulmi është një akt i neveritshëm frikacak.
“Sulmi terrorist në Ankara është një akt i neveritshëm frikacak që Shqipëria e dënon ashpër. Ai duhet të ndihmojë shumë në Evropë që të kuptojnë dhe mbështesin më mirë Turqinë në luftën e saj kundër terrorizmit🇦🇱🤝🇹🇷”, shkruan Rama.
Në reagimin e Kryeministrit të bën përshtypje se sulmin në Turqi e konsideron terrorist, ndërsa sulmin e ndërmarrë nga një grup terrorist serb në Veri të Kosovës ku humbi jetën edhe një oficer kriminal, në të gjitha reagimet dhe deklarimet Kreu i Qeverisë e trajtoi si një “grup kriminal” dhe jo si një skuadër terroristësh që sulmuan me armë.
Discussion about this post