Ditën e sotme aleatët perëndimorë pritet që të godasin Rusinë me sanksione të reja, lajmi bëhet i ditur pas raportimeve për krime lufte në Bucha në fillim të kësaj jave. Shtetet e Bashkuara të Amrikës kanë premtuar 100 milionë dollarë ndihmë ushtarake në formën e raketave për Ukrainën dhe gjithashtu është vendosur të zbulojë një paketë të re sanksionesh.
Jen Psaki, sekretarja e shtypit e Shtëpisë së Bardhë është shprehur gjatë një konference shtypi në Uashington se masat do të synojnë organet financiare dhe shtetërore ruse, si dhe disa zyrtarë dhe oligarkë.
Gjithashtu, Psaki shtoi se masa do të bëjë përgjegjëse kleptokracinë ruse që financon dhe mbështet luftën e Putinit.
“Sanksionet, të cilat pritet të përfshijnë një ndalim për të gjitha investimet e reja në Rusi, do të degradojnë instrumentet kryesore të pushtetit shtetëror rus, do të imponojnë dëm ekonomik akut dhe të menjëhershëm ndaj Rusisë”.
Sakaq, udhëheqësit e BE-së do të takohen për të miratuar planet për të ndaluar shitjet e qymyrit rus dhe për të ndaluar anijet ruse që të hyjnë në portet evropiane.
Discussion about this post