Kryetari i partisë më të madhe opozitare të Serbisë, Srbija Centar (Srce), Zdravko Ponoš, beson se ish-nënkryetari i Listës Serbe, Milan Radoiçiç, u lirua shpejt nga paraburgimi, sepse ka arritur marrëveshje me autoritetet në Serbi.
Mediat e huaja bëjnë të ditur se lirimi i tij i shpejtë vjen në një kohë që sipas Ponos, ai dyshohet për tregti të paligjshme të armëve dhe shkaktim të rrezikut të përgjithshëm.
“Jam i bindur se marrja e përgjegjësisë së plotë nga Radoiçiç për ngjarjen në Banjska dhe paraqitja e tij në polici është rezultat i marrëveshjes së arritur nga autoritetet me të. Besoj gjithashtu se lirimi i tij është gjithashtu pjesë e kësaj marrëveshjeje. Nuk është e papritur”, thotë Ponoš për Danas.
Sipas tij, pas gjithë përvojave që serbët kanë kaluar, ata e dinë se si do të përfundojnë tensionet në veri të Kosovës.
“Serbët në Kosovë tashmë kanë paguar një çmim të madh. Ata ishin viktimizuar nga ky regjim. Në të njëjtën mënyrë si serbët në Krajina u sakrifikuan nga i njëjti regjim në mishërimin e tij të mëparshëm. Duke qenë se ne i dimë të gjitha këto, nuk duhet të shikojmë vetëm qiellin dhe të presim që të përfundojë para se të fillojmë të zëvendësojmë pllakat e çatisë”, thotë Ponoš.
Prokuroria e Lartë Publike (VJT) në Beograd ka njoftuar se do të apelojë kundër vendimit të gjykatës për të mos paraburgosur Milan Radoiçiqin, i cili akuzohet për shumë krime në lidhje me konfliktin e armatosur të 24 shtatorit në Banjska, në veri të Kosovës.
Discussion about this post