Presidenti i Ukrainës Zelensky ka deklaruar se sulmi rus në termocentralin bërthamor të Zaporizhzhya mund të ishte aq shkatërrues sa “gjashtë Çernobilë”.
“Qytetarë të Ukrainës! Ne i mbijetuam një nate që mund të kishte ndaluar rrjedhën e historisë, historinë e Ukrainës dhe historinë e Europës.”
Ai gjithashtu tha se Rusia ishte e vetëdijshme për sulmin që shkaktoi duke e cilësuar atë një akt terrorizmi që nuk është parë dhe dëgjuar kurrë më parë.
“Si është e mundur diçka e tillë? A nuk luftuam së bashku për pasojat e katastrofës së Çernobilit në 1986? Ju bëj thirrje të gjithëve të protestojnë dhe ti thoni qeverisë tuaj se ju dëshironi të jetoni”.
Zelensky nga ana tjetër, raportoi se është në kontakt të vazhdueshëm me liderët botërorë, të cilët ishin të tronditur nga ngjarjet e fundit. Ai gjithashtu ka bërë thirrje për bllokimin e hapësirës ajrore të Ukrainës dhe vendosjen e sanksioneve kundër një shteti terrorist.
Discussion about this post