Ministri belg i Drejtësisë, Vincent Van Quickenborn, njoftoi dorëheqjen e tij, tre ditë pas sulmit terrorist në Bruksel, ku mbetën të vrarë dy tifozë suedezë.
“Sot në mëngjes në orën 9 të mëngjesit, vura re se më 15 gusht 2022, kishte një kërkesë ekstradimi nga Tunizia për këtë njeri. Kjo kërkesë është përcjellë më 1 shtator nga eksperti ligjor në prokurorinë publike të Brukselit. Kësaj kërkese për ekstradim gjyqtari përkatës nuk iu përgjigj dhe dosja nuk u procedua”, tha ish-ministri belg.
Si Ministër i Drejtësisë, në asnjë rrethanë nuk mund të ndërhyj në vendimet e një gjyqtari.
Megjithëse kjo është punë e një gjyqtari të vetëm dhe të pavarur, unë sërish dua të marr përgjegjësinë për këtë gabim të papranueshëm. Nuk kërkoj fare pretekst. Unë nuk jam duke kërkuar justifikime. E ndjej se është detyra ime ta bëj këtë”, tha ministri belg, që njoftoi dorëheqjen.
Më 17 tetor, pas sulmit terrorist në Bruksel ku fatkeqësisht humbën jetën 2 tifozë suedeze ndërroi jetë edhe autori Abdesalem Lassoued, 45-vjeç, me origjinë nga Tunizia io cili ndodhej në Belgjikë ilegalisht pasi u qëllua nga forcat policore belge.
Discussion about this post