Kryeministri i Kroacisë, Andrej Plenkoviç, ka dënuar sulmin e grupit terrorist serb në Veri ku mbeti i vrarë një punonjës i Policisë së Kosovës.
Në një konferencë për mediat, në krah të kryeministrit Edi Rama, i cili po zhvillon një vizitë zyrtare në Kroaci, Plenkoviç tha se ky sulm nuk ka ndodhur rëstësisht dhe kjo u duk nga sasia e madhe e armatimit.
“Kroacia e dënon me forcë vrasjen e pjesëtarit të Policisë së Kosovës nga grupe të armatosura, që ishin të armatosur në formë të tillë që tregon se ky ishte një operacion i planifikuar.
Nuk është diçka që ka ndodhur rastësisht. Kjo ngjarje është sinjal i fortë që tregojnë se ka forca që duan të destabilizojnë Kosovën, situatën në hapësirën e Europës Juglindore”, tha Plenkovic.
Kryeministri kroat bëri thirrje gjithashtu që komuniteti kroat të reagojë me forcë dhe vendosmëri ndaj Serbisë, si dhe të mbështesë institucionet e Kosovës.
Plankoviç foli edhe për masa ndaj Serbisë, që mund të jenë në të njëjtin nivel me masat e marra ndaj Kosovës disa muaj më parë.
“Gjithashtu reagimi i komunitetit ndërkombëtar duhet të jetë i qartë dhe i fortë dhe duhet të përkrahin institucionet e Kosovës dhe nga ana tjetër duhet të bëjmë përpjekje për të parandaluar çdo lloj eskalimi të gjendjes.
Bëhet fjalë për masat që KE mund t’i ndërmarrë. Bëhet fjalë për disa prej programeve të BE dhe masa të tilla janë ndërmarrë edhe ndaj Kosovës para disa muajsh”, tha ai.
Discussion about this post