Kylian Mbappe ka dërguar një mesazh të fortë për rivalët e Francës pas fitores së vështirë 1-0 ndaj Paraguait në 1/8 e finales së Kupës së Botës 2026, duke theksuar se “Les Bleus” dinë të fitojnë edhe ndeshjet më të ashpra.
Sulmuesi i Real Madridit ishte vendimtar për Francën, duke shënuar golin e vetëm të takimit nga pika e bardhë në minutën e 70-të, në një sfidë të zhvilluar në temperatura të larta në Filadelfia.
Pas ndeshjes, Mbappe foli për stilin e lojës së Paraguait dhe mënyrën se si Franca iu përgjigj sfidës.
“E dinim se çfarë ndeshjeje na priste. Edhe ne dimë t’i bëjmë duart pis, dimë si të luajmë futboll të shëmtuar. Ndoshta mendonin se do të vinim me kostume elegante, por ishim gati”, deklaroi ai.
Me këtë gol, 27-vjeçari ka arritur në shtatë realizime në Kupën e Botës 2026, duke ndarë vendin e parë në garën për “Këpucën e Artë” me Lionel Messin.
Gjithashtu, Mbappe ka shënuar 19 gola në 19 ndeshje të Kupës së Botës, vetëm një gol larg rekordit të Lionel Messit, ndërsa është bërë futbollisti i parë në histori që realizon të paktën tre gola në fazën eliminatore të tre Botërorëve të ndryshëm.
Franca tani do të përballet me Marokun në çerekfinalet e Kupës së Botës 2026.
Discussion about this post