Skuadra e Philips Sport Vereniging (PSV) ka njoftuar se një nga lojtarët e skuadrës është diagnostikuar me tuberkuzol aktiv. Sulmuesi spanjoll Lucas Perez, 36 vjeç, është diagnostikuar me tuberkuloz dhe është izoluar. Sipas skuadrës, Perez do të qëndrojë për 4 javë në izolim, ndërsa janë informuar personat që kanë pasur kontakt të afërt me sulmuesin.
PSV është një skuadër holandeze, e cila eliminoi Juventusin nga Champions League në play-off.
Perez nuk luajti kundër bardhezinjve, për shkak se nuk ishte në listën e UEFA-s, ndërsa ka luajtur gjithsej 24 minuta në fushë me fanellën e PSV-së.
Tuberkulozi është një sëmundje infektive që zakonisht prek mushkëritë dhe mund të transmetohet përmes ajrit.
Discussion about this post