E ardhmja e Kingsley Coman duket ende e pasigurt, me lojtarin që nuk është i lumtur me minutat që ka marrë te Bayern Munich dhe me Liverpool dhe Chelsean që janë duke ‘hedhur grepat’ për të.
Kontrata e francezit me bavarezët mbaron në 2023-shin, ndërsa ‘Mirror’ raporton se klubet e Premier League do donin që ta kishin pjesë të tyre 25-vjeçarin.
‘Blutë’ e Londrës dhe ‘Të kuqtë’ e Liverpool ka kohë që po e ndjekin ecurinë e lojtarit, i cili në këtë sezon është aktivizuar në vetëm dy ndeshje dhe për këtë arsye ai dëshiron që të largohet nga kampionët e Gjermanisë.
Ndërkohë rikujtojmë se pak ditë më parë Coman iu nënshtrua një ndërhyrjeje në zemër për shkak të një shqetësimi të vogël dhe ende nuk dihet se si do jetë ecuria e tij pasi të rikthehet në fushë./K.T/Gijotina.com
