Barcelona ka filluar që tani nga puna për të gjetur pasuesin e Robert Lewandowski-t, pasi me shumë mundësi polaku do largohet në verë nga klubi katalanas. Mosha nuk e favorizon më Lewandowski-n, ndaj dhe drejtuesit katalanas kanë filluar nga puna deri tani për të sjellë në “Camp Nou” një sulmues të ri.
Barcelona është vënë në ndjekje të Benjamin Sesko dhe e sheh atë si lojtarin ideal në sulm në vend të Lewandowski-t. Katalanasit janë në mesin e klubeve të mëdha që janë në garë për Sesko-n, slloveni do të largohet në verë nga Leipzig.
Ndërkohë, CaughtOffside raporton se Sesko më shumë preferon transferimin tek Arsenal sesa te Barcelona, por ndoshta oferta ekonomike e katalanasve do ta bëjë sllovenin të ndryshojë mendje deri në verë.
Discussion about this post